មនុស្សជិត ៤០ ត្រូវបានឃាត់ខ្លួនជុំវិញករណីជួញដូរមនុស្សឆ្លងដែនតាមរយៈសកម្មភាពពរពោះជំនួស

សមត្ថកិច្ចការិយាល័យប្រឆាំងការជួញដូរមនុស្សបាន ចុះបង្ក្រាបករណីជួញដូរ មនុស្សឆ្លងដែន​តាមរយៈការស៊ី ឈ្នួលពរពោះជំនួស ដោយឃាត់ខ្លួននារីខ្មែរជាអ្នកស៊ីឈ្នួល​ចំនួន៣៣នាក់ និងជនសង្ស័យប្រុសស្រីចំនួន៥នាក់ ក្នុង​​នោះ​មានជនជាតិចិនម្នាក់។

បើតាមការចុះផ្សាយរបស់ការិយាលយ័ប្រឆាំងការជួញដូរមនុស្ស នៃស្នងការដ្នាននគរបាលរាជធានីប្រតិបត្តិការបង្រ្កាបនេះធ្វើឡើងកាលពីល្ងាចថ្ងៃទី២១ ខែមិថុនា ឆ្នាំ២០១៨ នៅចំណុចផ្ទះវីឡាលេខ២A ផ្លូវ៣៤៨ និងផ្ទះវិឡាលេខ៩A ផ្លូវ៣៤៨ ស្ថិតនៅក្នុងបុរី វិមានភ្នំពេញ តាមបណ្ដោយផ្លូវលេខ៥ ក្នុងសង្កាត់​ឬស្សីកែវ ខណ្ឌឬស្សីកែវ។

តាមការចុះផ្សាយដដែលនោះបន្តថាការបង្រ្កាបនេះរកឃើញវត្តុតាងរួមមាន លិខិតឆ្លងដែន និងឯកសារពាក់ពន្ធ័មួយចំនួន ចំណែកជនសង្ស័យពាក់ព័ន្ធចំនួន ៥នាក់ត្រូវងបញ្ជូនទៅតុលាការចាត់ការបន្តតាមនីតិវិធីចំណែកស្រ្តីស៊ីឈ្នួលពរពោះជំនួសនោះត្រូវបានបញ្ជូនទៅមន្ទីរសង្គមកិច្ចរាជធានីភ្នំពេញ។

បើតាមការផ្សព្វផ្សាយនៅលើបណ្ដាញសង្គមលោក កែវ ធា ប្រធាននាយកដ្ឋានប្រយុទ្ធប្រឆាំងការជួញដូរនៅរាជធានីភ្នំពេញ បានឲ្យដឹងថាករណីស្ត្រីស៊ីឈ្នួល ពពោះជំនួសជាអ្នកទទួលខុសត្រូវក្នុងការចិញ្ចឹម និង ថែទាំកូនៗទាំងនោះ ក្រោមការឃ្លាំមើលរបស់អាជ្ញាធរ។

បើតាមមន្រ្តីជំនាញរូបនោះ ស្រ្តីទាំងនោះត្រូវបានគេជួលឲ្យពរពោះជំនួស ក្នុងតម្លៃម្នាក់ ១ ម៉ឺនដុល្លារ ហើយពួកគេទទួលបានប្រាក់កក់ដំបូងពេលមានផ្ទៃពោះ ចំនួន ៥០០ ដុល្លារ ហើយនៅពេលកូនកើតមក ពួកគេនឹងទទួលបានប្រាក់ប្រចាំខែ ៣០០ដុល្លាររហូតគ្រប់ចំនួន៕